Sevilya'nın futbolçusuna 3 oyunluq cəza verildi

İspaniya Kral Futbol Federasiyası "Sevilya"nın futbolçusu Lukas Okamposu 3 oyunluq cəzalandırıb.

Corner.az "Marca" nəşrinə istinadən xəbər verir ki, La Liqanın 14-cü turunda "Valyadolid"i 1:0 hesabı ilə məğlub etdikləri görüşdə ikinci sarı vərəqəni alaraq meydandan kənarlaşdırılan 25 yaşlı yarımmüdafiəçi daha sonra baş hakimi hədəfə alıb. Argentinalı oyunçu meydanı tərk edən vaxt referiyə qarşı müxtəlif ifadələr işlədib.

Okampos bu səbəbdən, "Leqanes", "Osasuna" və "Vilyareal"la matçlarda iştirak etməyəcək. 

Qeyd edək ki, "Sevilya" bu gün Avropa Liqasının V tur matçında "Qarabağ"la qarşılaşacaq.Görüş Bakı vaxtı ilə saat 00:00-da başlayacaq.