Hazard və Marselo "El Klasiko"nu buraxa bilər

"Real"ın  futbolçusu Eden Hazardın durumuna aydınlıq gəlib.

Corner.az-ın xarici mətbuata istinadən məlumatına görə, belçikalı futbolçunun sağ ayağında mikro-qırıq olduğu müəyyənləşib. Dəqiq diaqnoz qoyulmasa da, onun 4-6 həftə yaşıl meydanlardan uzaq qalması proqnozlaşdırılır. PSJ ilə Çempionlar Liqası matçında zədələnən Hazardın qarşıdakı bir neçə oyunu, eləcə də, "Barselona" ilə "El Klasiko"nu buraxması gözlənilir.

Həmçinin müdafiəçi Marselonun da sol ayaq əzələsindəki ağrılar səbəbindən 3 həftə komandasına kömək edə bilməyəcəyi bildirilib.

Qeyd edək ki, "Barselona" - "Real" matçı dekabrın 18-də "Nou Kamp"da keçiriləcək.