İtaliya Superkubokunu Latsio qazandı

Səudiyyə Ərəbistanının paytaxtı Ər-Riyadda yerləşən “King Saud University” stadionunda “Yuventus” və “Latsio” komandaları arasında İtaliya Super Kuboku uğrunda matç keçirilib.

Corner.az xəbər verir ki, görüş “Latsio” klubunun 3:1 hesablı qələbəsi ilə yekunlaşıb. Oyunun 17-ci dəqiqəsində Luis Alberto fərqlənsə də, 45-ci dəqiqədə Paolo Dibala hesaba tarazlıq gətirib.

Qarşılaşmanın ikinci hissəsinin 73-cü dəqiqəsində “Latsio” Senad Luliçin dəqiq zərbəsi ilə yenidən hesabda önə keçib. Görüşdə sonuncu qolu “Latsio”nun futbolçusu Daniel Kataldi qeyd edib.

Bununla da “Latsio” tarixində 5-ci dəfə İtaliya Super Kubokun qalibi olub.