“Cenoa” klubunun yeni baş məşqçisi müəyyənləşib.
Corner.az xəbər verir ki, A Seriyası təmsilçisinin baş məşqçi postuna Davide Nikola gətirilib.
Bu barədə klubun rəsmi saytı məlumat yayıb. İtaliyalı məşqçi yeni klubu ilə mövsümün sonunadək müqavilə bağlayıb. Tərəflər mövsümün sonunda bu müqavilənin müddətini uzatmaqla bağlı indidən ilkin razılıq da əldə ediblər.
Qeyd edək ki, 46 yaşlı mütəxəssis “Lumetsane”, “Livorno”, “Bari”, “Krotone” və “Udineze” klublarını çalışdırıb.
Əlavə edək ki, “Cenoa” hazırda 11 xalla sonuncu pillədə qərarlaşıb.
