Sarri komandasını tənqid etdi

"Yuventus"un baş məşqçisi Maurisio Sarri A Seriyasının 23-cü turunda "Verona" ilə matçdan (1:2) sonra komandasından narazı qaldığını bildirib.

Corner.az İtaliya mətbuatına istinadən xəbər verir ki, 61 yaşlı mütəxəssis arxayınlaşdıqları üçün zəif çıxış etdiklərini hesab edir:

"Futbolda ən vacib şeylərdən biri psixologiyadır. Qələbələrin bizə növbəti matçlarda da uğur qazandıracağına zəmanət vermədiyini başa düşməyin vaxtı çatıb. Yəni, daha çox çalışmalıyıq. Son illərdə "Yuventus" rahatlıqla çempion olurdu. Bu da komandanı bir az arxayınlaşdırdı. Amma birlikdə olub, asanlıqla xal itirməyə haqqımız olmadığını anlamalıyıq" (qol)