Möhtəşəm gecə idi - Konte

"İnter”in baş məşqçisi Antonio Konte “Milan” üzərindəki qələbəni (4:2) şərh edib.

Corner.az xəbər verir ki, italiyalı mütəxəssis komandasının hələ də zamana ehtiyacı olduğunu açıqlayıb:

“Sözsüz ki, möhtəşəm gecə idi. Oyunçularımın təslim olmamaları, qələbə üçün sona qədər mübarizə aparmaları sizi məmnun etməyə bilməz. Belə şeylər həqiqətən önəmlidir. Meydanda nə etdiyini bilən bir komanda var idi. Onlar həqiqətən də tərifəlayiq bir oyun keçirdilər. Mən hər dəfə daha yaxşı olmağımız üçün zamana ehtiyac olduğunu deyirəm. Bu, qətiyyən bəhanə deyil, həqiqətdir”.

Qeyd edək ki, hazırda A Seriyasında  “Yuventus”la “İnter” 43 xalla liderliyi bölüşürlər.(matc)