İnter qapımıza cəmi bir zərbə vurub - Sarri

"Yuventus"un baş məşqçisi Mauritsio Sarri "İnter"ə qarşı qazanılan qələbəni (2:0) şərh edib.

Corner.az xəbər verir ki, 61 yaşlı mütəxəssis komandasının çıxışından razı qaldığını bildirib.

"Bu vacib bir qələbədir, amma qarşıda daha 12 oyun var. Yolumuz uzundur. Komanda görmək istədiyimə yaxın idi. Məşqdə bəyəndiyimiz futbolçulara şans verdik. Amma bu bir neçə həftədən sonra heyət dəyişə bilər. Rəqib ilk yarıda bizə təzyiq göstərməyə çalışdı. “İnter” kimi bir komanda qapımıza cəmi bir zərbə endirdi. Bu, bizim üçün müsbətdir. Koronavirus səbəbindən oyunların azarkeşsiz keçməsi barədə heç bir açıqlama verə bilmərəm. Mən məşqçiyəm ancaq futbol haqqında danışa bilərəm”.

Qeyd edək ki,  A Seriyasının 26-cı turunda keçirilən görüşlər koronavuris səbəbindən azarkeşsiz baş tutub.