“Yuventus”un əməkdaşları könüllü karantinə yollanıb.
Corner.az xəbər verir ki, bu barədə klubun rəsmi saytı məlumat yayıb.
Bu qərar “Yuventus”un futbolçusu Daniele Ruqaninin koronavirusa yoluxmasından sonra qəbul edilib.
Ümumilikdə 121 əməkdaş arasında klub prezidenti Andrea Anyelli başda olmaqla rəhbərlik, futbolçular, komanda personalı və digər şəxslər yer alıb. Onlar səhiyyə orqanlarının tələblərinə uyğun olaraq, evdə könüllü karantin keçəcəklər.
Turin klubunun futbolçusu Kriştiano Ronaldo isə hazırda vətəni Portuqaliyada karantinə alınıb. O, təhlükəsizlik səbəbindən həkim nəzarəti altına götürülüb.