Fiorentina'nın daha 2 futbolçusu koronavirusa yoluxdu

İtaliyanın "Fiorentina" klubunun futbolçuları Patrik Kutrone və Herman Passelyada koronavirus aşkarlanıb. 

Corner.az klubun rəsmi "Twitter" səhifəsinə istinadən xəbər verir ki, bu futbolçularla yanaşı Florensiya təmsilçisinin fizioterapevti Stefano Dainellinin də testi müsbət çıxıb. 

Onların vəziyyətinin normal olduğu bildirilib. 

Qeyd edək ki, daha öncə "Fiorentina"nın digər futbolçusu Duşan Vlahoviç də koronavirusa yoluxub. İtaliyada "Sampdoriya"nın 5 futbolçusu - Manolo Qabbyadini, Albin Ekdal, Omar Kolli, Antonio La Qumina və Morten Torsbyu, eləcə də klubun həkimi Amedeo Baldarinin koronavirusa yoluxduqları açıqlayıb.