İnsan belə anlarda əlindəkinin qiymətini bilir - Lukaku

"İnter"in hücumçusu Romelu Lukaku koronavirus səbəbindən karantinə alınmasından danışıb.

Corner.az xəbər verir ki, 26 yaşlı futbolçu yaxınları üçün darıxdığını söyləyib:

"Anam, oğlum, qardaşım üçün darıxıram. Heç kimlə əlaqə qura bilməməyimiz üçün çox məyusuq. Məşqləri, azarkeşlər önündə meydana çıxmaq üçün darıxıram. İnsan belə anlarda əlindəkinin qiymətini bilir. Mümkün qədər diqqətli olmalıyıq. Bu, hər kəsə təsir göstərə bilər. Anam şəkər xəstəsidir. Bu səbəbdən də onunla görüşmürəm”.

Qeyd edək ki, hazırda dünyada koronavirusa yoluxanların sayı 245 min nəfəri keçib.