“Yuventus” koronavirus pandemiyasına görə yaranmış böhranla əlaqədar futbolçu və məşqçi heyətinin maaşını azaltmağa qərar verib.
Corner.az xəbər verir ki, bu barədə klubun rəsmi saytı məlumat yayıb.
Məlumatda bildirilir ki, mövcud vəziyyətlə əlaqədar futbolçulardan və məşqçilərdən bəziləri rəhbərliyə öz maaşlarını azaltmağa razılıq verdiklərini bildirib. Turin təmsilçisində mart, aprel, may və iyun aylarının maaşları tam ödənilməyəcək. Klub bunun sayəsində bütövlükdə 90 milyon avroluq qənaət edəcəklərini açıqlayıb.
Klub rəhbərliyi futbolçu və məşqçi heyətinə göstərdikləri anlayışa görə təşəkkür edib.
