Koronavirusun ən geniş yayıldığı ölkələrdən biri olan İtaliyada pandemiyaya qarşı mübarizədə klublar da fəallıq göstərirlər.
Corner.az xəbər verir ki, “Milan” da bir müddət əvvəl koronavirusla mübarizəyə dəstək məqsədilə kampaniyaya start vermişdi.
İtaliya təmsilçisi hədəflərinin 500 min avro toplamaq olduğunu açıqlamışdı. Klubun yaydığı məlumata görə, artıq fonda 500 min avro bağışlanıb. Lakin bu məbləğin daha da artırılması üçün də çalışmaların davam edəcəyi qeyd olunub.
Klub onlara yardımçı olan hər kəsə minnətdarlığını bildirib: “Koronavirusa qalib gəlmək üçün ön cəbhədə mübarizə aparanlara dəstək olmağa davam edəcəyik. Toplanan 500 min avroya tibbi ləvazimatlar alınacaq”.