"Yuventus" klubunun futbolçusu Kriştiano Ronaldo komandasını vaxtından tez tərk etməyəcək.
Corner.az-ın "Tuttosport"a istinadən verdiyi məlumata görə, 35 yaşlı hücumçu müqaviləsinin bitəcəyi 2022-ci ilin yayınadək Turin təmsilçisində qalmaq niyyətindədir.
PSJ-nin onunla maraqlanmasına baxmayaraq, portuqaliyalı futbolçu İtaliyadan ayrılmayacaq.
Qeyd edək ki, Ronaldo bu mövsüm A Seriyasında meydana çıxdığı 22 oyunda 21 qol vurub, 3 məhsuldar ötürmə ilə yadda qalıb.