İnter də məşqləri bərpa edir

"İnter" klubu futbolçularının fərdi məşqlərə qayıdışını açıqlayıb.

Corner.az xarici mətbuata istinadən xəbər verir ki,  "Klubun birinci komandasının oyunçuları fərdi məşğuliyyətlərə görə “Appiano-Djentile”də məşq mərkəzindən istifadə edə bilərlər. Kompleksin tibbi və texniki korpuslarından başqa mərkəzin bütün qalan yerləri idmançıların təhlükəsizliyinin təmin olunması üçün bağlı qalacaq", - klubun bəyanatında deyilir.

Daha əvvəl "Roma" futbol klubu da hakimiyyət orqanlarından icazənin alınmasından sonra mayın 6-dan rəsmən yenidən məşq prosesinə başladığını elan edib. Qeyd edilir ki, “Latsio” da həmçinin məşqlərə başlaya bilər.