Ronaldo onunla birlikdə məşq edənlərə hədiyyə verdi

"Yuventus"un hücumçusu Kriştiano Ronaldo Madeyrada onun məşq edən futbolçulara hədiyyə verib.

Corner.az xarici KİV-lərə istinadən xəbər verir ki, belə ki, portuqaliyalı hücumçu Funşalda "Nasional" stadionunda məşq edib. Həmin vaxt 35 yaşlı oyunçuya öz bacarıqlarını nümayiş etdirmək üçün "Nasional"ın qapıçısı Filip Qonsalves və onun dostu Huqo kömək ediblər. Ronaldo son məşqdən sonra onlara əməkdaşlığa görə təşəkkür edib və hədiyyələr verib.

Məlumatı F.Qonsalves təsdiqləyib:  "Bütün bunlar qəflətən oldu. Baş verənlər mənə həqiqət kimi görünmür. Kriştiano məni yaxşı mənada çox təəccübləndirdi. Üçüncü məşqdən sonra o anladı ki, bu, son görüş olacaq. O, mənə və dostum Huqoya yaxınlaşdı. Bizə təşəkkür etdi və hədiyyə verdi. Amma mənim ən böyük hədiyyəm Ronaldo ilə birgə məşq etmək idi" - deyə qapıçı bildirib.(qol)