"Milan"ın futbolçusu Zlatan İbrahimoviç İtaliyaya qayıdıb.
Corner.az-ın məlumatına görə, 38 yaşlı hücumçu iki həftəlik karantindən sonra komanda ilə məşqlərə qatılacaq.
İbrahimoviç İtaliya A Seriyasının koronavirus pandemiyası ilə əlaqədar dayandırılmasından sonra vətəninə qayıtmış və "Hammarbü"nün heyətində məşq etmişdi.
Qeyd edək ki, Zlatan İbrahimoviç 2019/2020 mövsümündə "Milan"da 10 oyuna 4 qol vurub və 1 məhsuldar ötürmə edib.
