A Seriyasının 9 klubu məşqdən imtina etdi
İtaliya A Seriyasının 9 təmsilçisi mayın 18-də məşqə başlamaqdan imtina edib.
Corner.az “Football Italia”ya istinadən xəbər verir ki, bunlar "Milan", "İnter", "Napoli", "Fiorentina", "Kalyari", "Atalanta", "Verona", "Sampdoria" və "Genoa"dır.Bu klublar çempionatın bərpası ilə bağlı tərtib edilən tibbi protokoldan narazıdır. Protokolda göstərilir ki, oyunçulardan biri və ya klubun hər hansı işçisində koronavirus aşkar edilərsə, bütün komanda 15 gün ərzində karantinə göndəriləcək.İtaliya klubları Bundesliqa nümunəsindən istifadə edilməsinin tərəfdarıdır. Bundesliqanın tibbi protokolunda qeyd olunub ki, koronavirusa yoluxma halında yalnız həmin şəxs karantinə göndərilir, komanda isə müvafiq testlərdən keçirilir.(qol)
