- İtaliya S.A.
- 23:27 14.12.2025
"Yuventus"un hücumçusu Paulo Dibala koronavirus pandemiyası ilə mübarizədə kömək üçün Argentina xəstəxanalarına 160 min avro məbləğində ianə edib.
Corner.az-ın məlumatına görə, bu barədə “La Gazzetta dello Sport” bildirib.
"Paulo Rouson, San-Roke Florensio Dias xəstəxanalarına avadanlığın alınması üçün ianə edib. Artıq hər şey alınıb. Paulo Kordova əyalətinin naziri ilə əlaqədədir. Bir neçə gün sonra hər şey göndəriləcək", - hücumçunun qardaşı Qustavo bildirib.
Dibala Kordova əyalətinə məxsus Laquna-Larqa şəhərindəndir.
Qeyd edək ki, argentinalı futbolçu cari mövsümdə İtaliya çempionatının 24 matçda iştirak edib, 7 qol vurub və 4 məhsuldar ötürmə edib.
