A Seriyanın formatı dəyişə bilər

İtaliya A Seriyası 2020/2021 mövsümündə yeni formada keçirilə bilər. 

Corner.az  "La Repubblica" nəşrinə istinadən xəbər verir ki, yeni mövsüm sentyabrın 12-dən tez başlamasa, dəyişiklik baş verəcək.

Liqa rəhbərliyi çempionatı 10 klubdan ibarət iki hissəyə bölmək ehtimalını nəzərdən keçirir. Bundan sonra ən yaxşı komandalar pley-off mərhələsində qarşılaşacaqlar. 

Daha öncə İtaliya Futbol Federasiyasının prezidenti Qabriele Qravina yeni mövsümə sentyabrın 12-də başlaya bilməyəcəkləri təqdirdə dəyişiklik edəcəklərini söyləyib. 

Qeyd edək ki, mart ayında koronavirus pandemiyasına görə dayandırılan İtaliya A Seriyası iyunun 20-də bərpa olunacaq.