6 illik İnter karyerası - 0 oyun 2 qırmızı

“İnter”in qapıçısı Tommaso Berni futbol tarixində nadir bir statiskaya imza atıb.

Corner.az xəbər verir ki, 37 yaşlı qapıçı A Seriyasının 38-ci turunda “Parma” ilə səfər oyununda (2:1) ehtiyat oyunçular skamyasında olduğu halda qırmızı vərəqə alıb.

Komandanın 3-cü qapıçısı bununla da "İnter”də ikinci dəfə qırmızı vərəqə ilə cəzalandırılıb. Maraqlıdır ki, o, “Kalyari” ilə görüşdə də ehtiyat oyunçular skamyasında olarkən qırmızı vərəqə almışdı.

2014-cü ildən “İnter”də çıxış edən Berni 6 il ərzində heç bir rəsmi qarşılaşmada oynamayıb. Onun Milan klubunda 6 illk karyerasındakı "fəaliyyəti" yalnız iki qırmızı vərəqədən ibarətdir.

Qeyd edək ki, Berninin “İnter”lə müqaviləsi mövsümün sonuna qədərdir.(qol)