İtaliyanın “Latsio” klubunun yarımmüdafiəçisi Patrik Qabarron 4 oyunluq cəzalandırılıb.
Corner.az xəbər verir ki, buna səbəb onun A Seriyasının 31-ci turu çərçivəsində səfərdə “Leççe” ilə oyunu zamanı rəqib futbolçu Julio Donatini dişləməsi olub.
İspaniyalı futbolçu 1:2 hesabıyla uduzduqları bu qarşılaşmanın 90-cı dəqiqəsində idmançıya yaraşmayan hərəkətə yol verdiyi üçün birbaşa qırmızı vərəqə ilə meydandan qovulub.
Artıq İtaliya Futbol Federasiyası 27 yaşlı yarımmüdafiəçini bu hərəkətinə görə 4 oyunluq diskvalifikasiya edib. Qabarron həm də 10 min avro cərimə ödəməli olacaq.
