Ronaldo Kalyari ilə oyunu buraxa bilər

"Yuventus"un futbolçusu Kriştiano Ronaldo İtaliya A seriyasının 37-ci turunda "Kalyari" ilə oyunu buraxa bilər.

Corner.az "La Gazzetta Dello Sport"a istinadən xəbər verir ki, ölkə çempionluğunu rəsmiləşdirən Turin klubunun baş məşqçisi Marissio Sarri Çempionlar Liqası bərpa olunmazdan əvvəl portuqaliyalı hücumçuya istirahət vermək istəyir.

Qeyd edək ki, Ronaldo "Qızıl buts" uğrunda mübarizəni davam etdirir. O, ölkə çempionatında 31 qol vurub. "Latsio"nun hücumçusu Çiro İmmobile də 31 dəfə fərqlənib. "Bavariya"nın futbolçusu Robert Levandovski isə 34 qolla "Qızıl Buts" uğrunda mübarizədə liderdir.(qol)