İtaliyanın “Fiorentina” klubu baş məşqçisi Cüzeppe Yakini ilə müqavilənin müddətini uzadıb.
Corner.az xəbər verir ki, bu barədə klubun rəsmi saytı məlumat yayıb.
Tərəflər arasındakı yeni müqavilənin müddəti 2020/21 mövsümünün sonuna qədər nəzərdə tutulub.
Qeyd edək ki, Yakini 2019-cu ilin dekabrından “Fiorentina”nı çalışdırır. Onunla mövsümün sonuna kimi müqavilə imzalansa da, nəticələr qənaətbəxş olduğundan, rəhbərlik 56 yaşlı mütəxəssisi postunda saxlamağa qərar verib.
