Konte Sançesin transferini açıqladı

“İnter"in baş məşqçisi Antonio Konte Aleksis Sançesin komandaya keçidini təsdiqləyib.

Corner.az xəbər verir ki, italiyalı mütəxəssis 31 yaşlı futbolçunun "Mançester Yunayted"dən Milan təmsilçisinə transfer olunmasını belə şərh edib:

"Düşünürəm ki, klub əla bir transfer etdi. Bu sövdələşməni həyata keçirmək asan deyildi. İki il ərzində Sançes Mançester təmsilçisində uğur qazana bilmədi. Sonra bizə gəldi və zədələndi. Ancaq onu sağalmağa məcbur etmədik. İndi də səylərimizin bəhrəsini alırıq”.

Qeyd edək ki, çilili futbolçu ötən mövsümü icarə əsasında “İnter”də keçirib.