Ronaldo daha bir rekorda imza atdı

"Yuventus"un hücumçusu Kriştiano Ronaldo növbəti rekorda imza atıb.

Corner.az xəbər verir ki, portuqaliyalı futbolçu Çempionlar Liqasının 1/8 finalının “Lion”a qarşı cavab matçında dubl edib. Beləliklə, mövsümdə 35 yaşlı hücumçunun hesabındakı qolların sayı 37-yə çatıb. Bu göstərici klub rekordu olub.

Əvvəlki rekord 95 il əvvəl qeydə alınıb. Belə ki, 1925/26 mövsümündə bu rekorda Ferens Xirser imza atıb. O, 35 qol vurub.

"Yuventus" cavab görüşündə "Lion"a qalib gəlib, ancaq növbəti mərhələyə səfər qolunun qaydasına görə fransız klubu çıxıb. İki görüşün ümumi hesabı 2:2-dir.