Koronavirus mənə meydan oxumağa cəsarət edir

 "Milan"ın futbolçusu Zlatan İbrahimoviç koronavirusa yoluxması ilə bağlı fikirlərini bölüşüb.

Corner.az-ın məlumatına görə, özünün "Twitter" hesabında paylaşım edən 38 yaşlı hücumçu bugünkü test nəticəsinin müsbət çıxdığını yazıb.

İsveçli futbolçu xəstəliyi simptomsuz keçirdiyini bildirib: "Dünənki testin nəticəsi mənfi, bugünkü isə müsbət oldu. Heç bir narahatlığım yoxdur. Koronavirus mənə meydan oxumağa cəsarət etdi. Məncə, pis ideyadır".

Qeyd edək ki, ötən gün "Milan"ın braziliyalı müdafiəçisi Duartedə infeksiya aşkarlanıb. 

Əlavə edək ki, Zlatan İbrahimoviç bu gün Norveç "Bodo Qlimt"i ilə Avropa Liqasının III təsnifat mərhələsinin oyununu buraxacaq.