Sabiq futbolçu Ronaldonu tənqid etdi

"Yuventus"un sabiq futbolçusu Paskuale Bruno hazırda Turin təmsilçisində çıxış edən Kriştiano Ronaldonu tənqid edib.

Corner.az-ın məlumatına görə, "Tiki Taka"ya açıqlama verən 58 yaşlı keçmiş müdafiəçi portuqaliyalı hücumçunu nəzakətsiz adlandırıb.

Bruno 35 yaşlı futbolçunun  iki ildir İtaliyada olduğu halda, hələ də italyan dilini öyrənmədiyini bildirib: "Özünü ifadə etmək üçün ispan dilindən istifadə edir. Nə komanda yoldaşlarına, nə də italyanlara hörmət edir".

Qeyd edək ki, Kriştiano Ronaldo "Yuventus"da 2018-ci ildən çıxış edir. Onun klubla müqaviləsi 2022-ci ilin yayınadəkdir.