Yuventus və Napoli futbolçularını milliyə buraxmır

"Yuventus" və "Napoli" klubları futbolçularını milli komandalara buraxmaya bilər.

Corner.az  "Corriere della Sera"ya istinadən xəbər verir ki, Turin təmsilçisinin prezidenti Andrea Anyelli və Neapol klubunun rəhbəri Aurelio De Laurentis oyunçuları yığmalara göndərmək istəmir.

Onlar milli komandaların beynəlxalq oyunlarının koronavirus pandemiyası zamanı problem yaratdığına inanırlar.

Funksionerlərin fikrinə əsasən, həmin matçlar sıx qrafiqdə daha çox stress yaradır və oyunçuların zədələnmə ehtimalını artırır.

Qeyd edək ki, "Yuventus"un ulduz futbolçusu Kriştianu Ronaldu Portuqaliya yığmasının düşərgəsində koronavirusa yoluxmuşdu.