- İtaliya S.A.
- 22:33 11.08.2026
“Napoli” təyyarənin sıradan çıxması səbəbindən A Seriyasının 7-ci turunda “Boloniya” ilə səfər matçına təyin olnan vaxtda yollana bilməyib.
Corner.az “Football-İtalia”ya istinadən xəbər verir ki, komanda ötən gün 21:00-da Kapodiçino hava limanından yola düşməli idi. Lakin Cennaro Qattuzzonun baş məşqçisi olduğu komanda hava limanına gəldikdən sonra təyyarədə problemlər olduğu üzə çıxıb.
Bu səbəbdən klub səfəri bazar gününə- bu günə keçirməyi qərara alıb.
Qeyd edək ki, bu gün keçiriləcək “Baloniya” – “Napoli” matçı Bakı vaxtı ilə 21:00-da başlayacaq.(qol)
