Xorvatiya millisinin və “İnter”in yarımmüdafiəçisi Marselo Brozoviçdə koronavirus aşkarlanıb.
Corner.az xəbər verir ki, millinin düşərgəsində olan 27 yaşlı futbolçunun testinin nəticəsi müsbət çıxıb. Bu barədə Xorvatiya Futbol Federasiyası məlumat yayıb.
Həmçinin millinin bir əməkdaşında da koronavirus aşkarlanıb. Hər iki şəxs karantinə alınıb.
Qeyd edək ki, daha əvvəl Xorvatiya millisinin digər futbolçusu Domaqoy Vidanın koronavirusa yoluxduğu açıqlanmışdı.
