Ronaldo Yuventus'da qalacaq - Paratiçi

"Yuventus"un idman direktoru Fabio Paratiçi hücumçu Kriştiao Ronaldonun komandadan mümkün gedişi haqqında xəbərlərə münasibət bildirib.

Bu barədə Corner.az "Goal"a istinadən xəbər verir.

"Sizi inandıra bilərəm ki, Kriştiano Ronaldo "Yuventus"da qalacaq. Biz transferlər haqqında şayiələrə çox vaxt ayırmırıq, hər gün çoxlu xəbər meydana çıxır", - Paratiçi bildirib.

Qeyd edək ki, daha əvvəl Ronaldonun 2021-ci ildə "Yuventus"dan mümkün gedişi haqqında bildirilib. Eyni zamanda Kriştiano Ronaldonun yenidən "Mançester Yunayted" klubuna qayıda biləcəyi barədə xəbər yayılıb.