“Yuventus” klubunun müdafiəçisi Merih Demiral sıradan çıxıb.
Corner.az xəbər verir ki, “Kalyari” ilə oyunda (2:0) zədələnən 22 yaşlı futbolçu əzələsindən xəsarət alıb.
Türkiyəli futbolçunun 10 gün yaşıl meydanlardan kənarda qalacağı bildirilib. Demiralın UEFA Çempionlar Liqasında “Ferentsvaroş” və A Seriyasında “Benevento” ilə oyunları buraxacağı vurğulanıb.
Qeyd edək ki, Türkiyə millisinin də üzvü olan futbolçu cari mövsümdə ümumilikdə 8 oyunda iştirak edib.