“Yuventus”un zədəli futbolçusu Merih Demiral sıraya dönüb.
Corner.az xəbər verir ki, bu barədə klubun rəsmi saytı məlumat yayıb.
Demiraldan öncə komandanın digər zədəli futbolçusu Corci Kyellininin də sağaldığı açıqlanmışdı. Hər iki futbolçunun UEFA Çempionlar Liqasının qrup mərhələsi çərçivəsində dekabrın 2-də keçiriləcək “Dinamo” (Kiyev) ilə oyunda iştirakı gözlənilir.
Xatırladaq ki, Merih A Seriyası çərçivəsində “Kalyari”yə 2:0 hesabıyla qalib gəldikləri matçda zədə almışdı. 22 yaşlı türk müdafiəçi bu mövsüm “Yuventus”da 8 oyuna çıxıb, 1 məhsuldar ötürmə edib.