İtaliya A Seriyasının 10-cu turunun “Udineze” – “Atalanta” matçı baş tutmayıb.
Corner.az xəbər verir ki, buna səbəb güclü yağış olub.
Bazar gününə təyin olunan qarşılaşma Bakı vaxtı ilə saat 18:00-da başlamalı idi. Lakin əlverişsiz hava şəraitinə görə təşkilatçılar oyunu təxirə salmaq məcburiyyətində qalıblar.
Oyunun hansı tarixdə baş tutacağı hələlik bəlli deyil. İtaliya mətbuatı bu görüşün yanvarın 20-də keçiriləcəyini yazıb. Turnirin təqvimində ehtiyat gün kimi elə məhz bu tarix qeyd olunub.
