“Milan”ın idman direktoru Frederik Massara komandanın hücumçusu Zlatan İbrahimoviçin gələcəyi ilə bağlı açıqlama verib.
Corner.az İtaliya mətbuatına istinadən xəbər verir ki, klub rəsmisi, 39 yaşlı hücumçu ilə danışıqlar aparılmadığını açıqlayıb:
“Hələ ki, onunla danışıqlara başlamamışıq. Bunu doğru zamanda edəcəyik. Hər şey onun həvəsinə, istəyinə bağlı olacaq. Ümid edirik ki, onun “Milan” arzusu uzun müddət davam edər”.
Qeyd edək ki, isveçli futbolçunun “Milan”la müqaviləsi mövsümün sonunda başa çatacaq.
