Morata'nın cəzası azaldıldı

İtaliya Futbol Federasiyası “Yuventus”un futbolçusu Alvaro Morataya verilən 2 oyunluq cəzanı azaldıb.

Corner.az “Football İtalia”ya istinadən xəbər verir ki, Turin klubunun apellyasiya şikayəti nəticəsində 28 yaşlı hücumçu 2 yox, 1 matç komandasına kömək edə bilməyəcək. Həmçinin ispaniyalı futbolçu 8 min avro məbləğində cərimə ödəyəcək.

Morata A Seriyasında “Benevento” ilə matçda (1:1) hakimə qarşı kobudluq etmişdi və buna görə də 2 oyunluq qırmızı vərəqə ilə cəzalandırılmışdı.

Qeyd edək ki, “Yuventus” növbəti oyununu dekabrın 13-də “Cenoa”ya qarşı keçirəcək.