İbrahimoviç meydanda bir heyvandır - Pioli

"Milan"ın  baş məşqçisi Stefano Pioli komandanın hücumçusu Zlatan İbrahimoviç barədə fikirlərini bildirib.

Corner.az "Football İtalia"ya istinadən xəbər verir ki, italiyalı mütəxəssis, 39 yaşlı hücumçu ilə tanışlığını xatırladıb: İbrahimoviçlə məşqdən sonra ilk dəfə idman salonunda tanış olduğumu xatırlayıram. Heç vaxt belə uzun boylu bir insanı qucaqlamamışdım (Zlatanın boyu 195 sm-dir - red). Ağıllı və gülməlidir, amma meydanda İbrahimoviç bir heyvandır. Sizi əmin edə bilərəm ki, bu, bir iltifatdır".

Qeyd edək ki, isveçli oyunçu bu mövsüm İtaliya A seriyasında 6 matçda  10 qol vurub.