Daha uzun illər oynaya bilərəm - Ronaldo

"Yuventus"un hücumçusu Kriştiano Ronaldo yaxın gələcəkdə karyerasını bitirmək fikrində deyil.

Corner.az xəbər verir ki, bu barədə 5 fevral 2021-ci ildə 36 yaşını qeyd edəcək portuqaliyalı futbolçu "AP News"a açıqlamasında bildirib:

“Hələ də özümü yaxşı hiss edirəm. Ümid edirəm, daha uzun illər oynaya bilərəm, amma həyatın necə olacağını heç bilmirsən. Motivasiya varsa, yaşın əhəmiyyəti yoxdur. Gənclərlə söhbət edərkən həmişə məsləhət verirəm: bu andan ləzzət alın, çünki sabah nə olacağını heç bilmirik. Axı ailənizə belə bir şey ola bilər.

Gələcəyi çox parlaq görürəm. Oynadığım hər klubla kubok qazanmışam. Ancaq dünya çempionatının kubokunu qazanmaq bir xəyaldır".