"Yuventus”un hücumçusu Federiko Kyeza sıradan çıxıb.
Corner.az xəbər verir ki, bu barədə İtaliya mətbuatı məlumat yayıb.
23 yaşlı futbolçu “Yuventus”un İtaliya superkubokunda “Napoli”ni məğlub etdiyi matçda (2:0) zədələnib.
Kyezanın son durumu tibbi müayinədən sonra bilinəcək. Həkimlərin ilkin rəyinə görə, italyan futbolçu bir neçə həftə yaşıl meydanlardan uzaq qalacaq.
Qeyd edək ki, Kyeza bu mövsüm “Yuventus”la 23 oyunda 6 qol vurub.
