Bizim üçün final matçı olacaq - Pirlo

"Yuventus"un baş məşqçisi Andrea Pirlo  İtaliyanın kubokunun yarımfinalında "İnter"lə cavab oyunu öncəsi fikirlərini bildirib.

Corner.az İtaliya mətbuatına istinadən xəbər verir ki, o, finala çıxmaq şanslarının olduğunu söyləyib: "Bu, qarşıdurmanın cavab görüşüdür. Finala çıxmaq şansımız var və bu, nəyin bahasına olursa-olsun nail olmağımız lazım olan hədəfimizdir. Oyuna düzgün köklənməliyik, bu, bizim üçün final matçı kimi olacaq. Diqqəti cəmləşdirmək vacibdir. İtkilər bizi çox şey əldə edə biləcəyimizə və düzgün münasibətə sahib keyfiyyətli oyunçularımız olduğuna inandırdı".

Qeyd edək ki, "Yuventus" - "İnter" görüşü bu gün Bakı vaxtı ilə saat 23:45-də başlayacaq