“Milan” klubu ciddi itki ilə üzləşib.
Corner.az xəbər verir ki, A Seriyası təmsilçisinin 23 yaşlı yarımmüdafiəçisi İsmael Bennaser sıradan çıxıb.
Bu barədə komandanın baş məşqçisi Stefano Pioli İtaliya mətbuatına açıqlamasında deyib.
O, Avropa Liqasının 1/16 final mərhələsində “Srvena Zvezda”ya (Serbiya) qarşı keçirilən səfər matçında (2:2) Bennaserin zədələndiyini bildirib.
Qeyd edək ki, əlcəzairli futbolçu A Seriyasının 23-cü turu çərçivəsində, fevralın 21-də keçiriləcək “Milan” - “İnter” matçında forma geyinə bilməyəcək.