Buffon karyerasını bu vaxt bitirəcək

"Yuventus"un qapıçısı Canluici Buffonun karyerasını bitirmək istədiyi vaxt bəlli olub.

Corner.az xəbər verir ki, 43 yaşlı qolkiper "The Guardian"a açıqlamasında 2023-cü ilin iyununadək oynamaq fikrində olduğunu bildirib.

Təcrübəli qolkiper cari mövsümün sonunda futbolla vidalaşa biləcəyini də istisna etməyib.

Qeyd edək ki, Canluici Buffon böyük futbolda debütünü 1995-ci ildə İtaliya "Parma"sının heyətində gerçəkləşdirib. O, 2001-ci ildə "Yuventus"a transfer olub. 2018/2019 mövsümünü Fransa PSJ-sində keçirmiş italiyalı qolkiper daha sonra Turin klubuna qayıdıb. Buffon 1997 - 2018-ci illərdə İtaliya yığmasında forma geyinib.