İtaliya A seriyasının VIII turunda Udinese-nin qonağı olan Juventus uğurlu seriyanı davam etdirib.
Corner.az-ın Goal.az-a istinadən məlumatına görə, Turin klubu bu turda da xal itirmədən yoluna davam etməyi bacarıb. Rodrigo Bentancur (33) və Cristiano Ronaldonun (37) 5 dəqiqə ərzində vurduqları qollar sayəsində “qoca sinyora” 8-ci qələbəsini əldə edib – 2:0. Juventus bununla həm də öz rekordunu yeniləyib. Belə ki, komanda cari mövsüm ardıcıl 10-cu qələbəsini qazanaraq (A seriyası – 8, Çempionlar Liqası - 2), yeni rekorda imza atıb.
