Azarkeşlər Ronaldonu tənqid etdi

 "Yuventus"un azarkeşləri portuqaliyalı hücumçu Kriştiano Ronaldonun oyununu tənqid ediblər.

Corner.az-ın məlumatına görə, bir qrup fanat 36 yaşlı forvardın "Fiorentina" ilə 1:1 hesablı heç-heçə etdikləri A Seriyasının 33-cü tur matçındakı çıxışından narazı qalıb.

Onlar sosial şəbəkələrdə öz etirazlarını bildirərək, Ronaldonun ehtiyat oyunçular skamyasında olmasını istəyiblər.

Ronaldo A Seriyasındakı son 3 görüşdə qol vurmayıb. Portuqaliyalı oyunçu "Fiorentina" ilə qarşılaşmada 100 faizlik qol epizodunu boşa verib. Bu isə azarkeşlərin qəzəbinə səbəb olub. Hücumçu İtaliya çempionatındakı son qolunu aprelin 7-də vurub.

"Yuventus"un baş məşqçisi Andrea Pirlo mətbuat konfransında Ronaldonun pis oynamadığını söyləyib.

Qeyd edək ki. Kriştiano Ronaldonun "Yuventus"la müqaviləsi 2022-ci ilin yayında başa çatmalıdır.(report)