Bu gün İtaliya çempionatının VIII turu çərçivəsində dünyanın ən baxımlı derbilərindən biri olan Derby Della Madonnina keçiriləcək.Corner.az Goal.az-a istinadən xəbər verir ki, Milan şəhərinin iki klubu Milan və İnter-in qarşılaşacağı derbi dünyada olduğu kimi ölkəmizdə də səbrsizliklə gözlənilən derbilərdəndir. Hər 2 klub son illər uğurlu çıxış etməsələr də, bu klubların arasında keçirilən oyunlar həmişə maraqlı keçib. Milan şəhərində iki böyük klub olsa da, bu şəhərin bir böyük stadionu var - San Siro Milanlılar üçün, Cüzeppe Meacca İnterlilər üçün. "Qırmızı-qaralar" və "göy-qaralar" indiyənə qədər bütün rəsmi turnirlərdə 179 dəfə üz-üzə gəliblər. Milan-ın hesabında 57, İnter-in isə 65 qələbəsi var, daha 57 oyunda isə heç-heçə qeydə alınıb. Ən böyük hesablı qələbə isə “qırmızı-qaraların” hesabındadır – 6:0. Klublar arasında keçirilən son 5 oyunda hər 2 klubun bir qələbəsi var, üç oyunda isə heç-heçə qeydə alınıb. İtaliya A Seriyasında 8 turdan sonra 16 xal yığan İnter 3-üncü, 12 xal yığan Milan isə 11-inci pillədə qərarlaşıb, "qırmızı-qaralar"ın həmçinin Genoa ilə təxirə salınmış oyunu var. Bakı vaxtı ilə saat 22:30- başlayacaq oyunu CBC Sports kanalı canlı yayımlayacaq. Onu da qeyd edək ki, hər iki klubun ölkəmizdə rəsmi fanklubu fəaliyyət göstərir. İnter fanatları İnter Club Azerbaijan, Milanlılar isə AC Milan Azerbaijan adı altında birləşiblər.
