- İtaliya S.A.
- 17:09 23.10.2024
İtaliya A Seriyasında 2020/21 mövsümünün qalibi müəyyənləşib.
Corner.az xəbər verir ki, “İnter” sona dörd tur qalmış A Seriyasının qalibi olub.
Bu çempionluq, 34-cü turda “Atalanta”nın səfərdə “Sassuolo” ilə səfər oyunundakı xal itkisindən sonra rəsmiləşib. Bu qarşılaşma 1:1 hesabıyla yekunlaşıb. Beləliklə, “Atalanta” 69 xalda qalıb.“Krotone” ilə matçdan 2:0 hesablı qələbə ilə ayrılan “İnter” isə xalını 82-yə çatdırıb. Nəticə etibarilə, Antonio Kontenin çalışdırdığı komanda sona 4 tur qalmış ən yaxın izləyiciləri “Atalanta” və “Milan”ı 13 xal geridə qoyub.
Qeyd edək ki, bu, “İnter”in tarixində 19-cu İtaliya çempionluğudur. Sonuncu dəfə bu komanda 2009/10 mövsümündə Joze Mourinyonun rəhbərliyi altında A Seriyasının qalibi olmuşdu.