Hakan Çalhanoğlu qərarını verdi

 “Milan”dan ayrılacağı iddia olunan Hakan Çalhanoğlu komandadakı gələcəyi ilə bağlı açıqlama verib.

Corner.az xarici mətbuata istinadən xəbər verir ki, 27 yaşlı  türkiyəli yarımmüdafiəçi, mövsümün sonunda klub rəsmiləri ilə görüşəcəyini bildirib:

“Bu yerə qədər gəldiyimiz üçün çox xoşbəxtəm. Motivasiyamız yüksəkdir və Çempionlar Liqasına getmək istəyirik. “Milan”la bu turnirdə iştirak etmək istəyirəm, amma gələcəyim də sırf buna bağlı deyil. Mövsümün sonunda klub rəsmiləri ilə danışıqlar aparacağıq. Onlara hörmət edirəm, qərarı onlar verəcək”.

 Hakan bu mövsüm “Milan”la 42 oyunda 9 qol vurub, 12 məhsuldar ötürmə edib.