İtaliya A Seriyasında 25-ci turdan təxirə salınmış bir oyun keçirilib.
Corner.az xəbər verir ki, “Latsio” doğma meydanda “Torino”nu qəbul edib. Görüşdə qapılara ümumiyyətlə qol vurulmayıb.
Bu heç-heçədən sonra “Latsio” 68 xalla 6-cı pillədə qərarlaşıbsa, “Torino” 36 xalla 17-cidir.
Beləliklə, bu nəticə ilə “Benevento”nun da A Seriyasını tərk edəcəyi dəqiqləşib. Sözügedən komanda hazırda 32 xalla 18-ci sırada qərarlaşıb.
Xatırladaq ki, daha öncə 20 xalla 20-ci və 22 xalla 19-cu pillələrdə qərarlaşmış “Parma” ilə “Krotone”nin elitanı tərk edəcəyi dəqiqləşmişdi.
İtaliya A Seriyası
25-ci turun oyunu
18 may
Latsio – Torino 0:0
