Mançester Siti'dən ayrıldı, Parma'nın baş məşqçisi oldu

İtaliyanın “Parma” klubunun yeni baş məşqçisi müəyyənləşib.

Corner.az xəbər verir ki, sözügedən komandanı "sükan"ı bundan sonra Enzo Mareskaya həvalə olunub.

Bu barədə klubun rəsmi saytı məlumat yayıb. 41 yaşlı mütəxəssislə müqavilənin müddəti və digər detalları açıqlanmayıb.

Qeyd edək ki, keçmiş italyan futbolçu karyerası dönəmində “Vest Bromviç”, “Yuventus”, “Fiorentina”, “Sevilya”, “Malaqa”, “Sampdoriya” və “Palermo” kimi klubların uğurları üçün çalışıb. O, 2017-ci ildə futbolçu karyerasını bitirən kimi “Askoli”də məşqçiliyə başlayıb. Daha sonra o, “Sevilya” və “Vest Hem”də köməkçi-məşqçi kimi çalışıb. Geridə qalan mövsümdə isə o, İngiltərənin “Mançester Siti” klubunun U-23 komandasının baş məşqçisi kimi fəaliyyət göstərib.