Buffon 20 il sonra Parma'da - VİDEO

 "Yuventus" klubundan ayrılan qapıçı Canluici Buffonun yeni klubu müəyyənləşib.

Corner.az-ın məlumatına görə, 43 yaşlı qolkiperin "Parma"ya keçidi rəsmiləşib.

Klub italiyalı qapıçı ilə 2 illik müqavilə imzaladığını açıqlayıb.

Qeyd edək ki, Canluici Buffon böyük futbolda debütünü 1995-ci ildə "Parma"da reallaşdırıb. O, 2001-ci ildə "Yuventus"a transfer olub. Buffon, 2018/2019 mövsümünü PSJ-də keçirmiş daha sonra Turin klubuna qayıdıb. Buffon 1997 - 2018-ci illərdə İtaliya yığmasında forma geyinib.

Əlavə edək ki, Seriya A'da mübarizəni dayandıran Parma yeni mövsümdən Seriya B-də çıxış edəcək.